ತೂಗಿರೆ ರಂಗನ ತೂಗಿರೆ ಕೃಷ್ಣನ ತೂಗಿರೆ ಅಚ್ಯುತ ಅನಂತನ

ತೂಗಿರೆ ರಂಗನ ತೂಗಿರೆ ಕೃಷ್ಣನ 

 ತೂಗಿರೆ ಅಚ್ಯುತ ಅನಂತನ 

 ತೂಗಿರೆ ರಂಗನ ತೂಗಿರೆ ಕೃಷ್ಣನ 

 ತೂಗಿರೆ ಅಚ್ಯುತ ಅನಂತನ ||ಪ||  

  ತೂಗಿರೆ ವರಗಿರಿಯಪ್ಪ ತಿಮ್ಮಪ್ಪನ 

 ತೂಗಿರೆ ಕಾವೇರಿ ರಂಗಯ್ಯನ ||ಅ.ಪ||  

  ನಾಗಲೋಕದಲ್ಲಿ ನಾರಾಯಣ ಮಲಗ್ಯಾನೆ 

 ನಾಗಕನ್ನಿಕೆಯರು ತೂಗಿರೇ 

 ನಾಗವೇಣಿಯರು ನೇಣು ಪಿಡಿದುಕೊಂಡು 

 ಬೇಗನೆ ತೊಟ್ಟಿಲ ತೂಗಿರೆ ||೧||  

  ಇಂದ್ರ ಲೋಕದಲ್ಲುಪೇಂದ್ರ ಮಲಗ್ಯಾನೆ 

 ಇಂದು ಮುಖಿಯರೆಲ್ಲ ತೂಗಿರೆ 

 ಇಂದ್ರ ಕನ್ನಿಕೆಯರು ಬಂದು 

 ಮುಕುಂದನ ತೊಟ್ಟಿಲ ತೂಗಿರೆ ||೨||  

  ಆಲದೆಲೆಯ ಮೇಲೆ ಶ್ರೀಲೋಲ ಮಲಗ್ಯಾನೆ 

 ನೀಲ ಕುಂತಳೆಯರು ತೂಗಿರೆ 

 ವ್ಯಾಳ ಶಯನ ಹರಿ ಮಲಗು ಮಲಗು ಎಂದು 

 ಬಾಲ ಕೃಷ್ಣಯ್ಯನ ತೂಗಿರೆ ||೩||  

  ಸಾಸಿರ ನಾಮದ ಸರ್ವೋತ್ತಮನೆಂದು 

 ಸೂಸುತ್ತ ತೊಟ್ಟಿಲ ತೂಗಿರೆ 

 ಲೇಸಾಗಿ ಮಡುವಿನೊಳು ಶೇಷನ ತುಳಿದಿಟ್ಟ 

 ದೋಷ ವಿದೂರನ ತೂಗಿರೆ ||೪||  

  ಅರಳೆಲೆ ಮಾಗಾಯಿ ಕೊರಳ ಮುತ್ತಿನಹಾರ 

 ತರಳನ ತೊಟ್ಟಿಲ ತೂಗಿರೇ 

 ಸಿರಿದೇವಿ ರಮಣನ ಪುರಂದರ ವಿಠಲನೆ 

 ಕರುಣದಿ ಮಲಗೆಂದು ತೂಗಿರೆ ||೫||